近日突然很多人"踩上"我的XANGA。也有人問我的戀愛狀況。 謝謝大家的關心,既然是如此,我惟有在這裡說一說吧。內容也十分之長, 需要點耐性。 其實係咁既,我用番口語黎打啦!!同佢一齊無幾耐,我開始有D矛盾,反問自己其實係唔係真係 喜歡佢。同佢一齊既時候係好輕鬆 都有D開心 但講到情侶 就冇咩點既感覺 同埋D感覺好飄忽 果次佢問我：我係唔係好悶啊??? 我答：唔係悶.......係好沉悶 當時我地都係到笑!!!! 哈哈 但係 我唔知道佢當時既心情會咁點 因為我真係好坦白咁答佢 過左幾日 我同佢講： 其實你有幾了解我? 我感覺到佢唔了解我 但原來 佢咩都知 只係扮唔知 佢驚佢講左出黎 我就會離開佢 我知道左之後 真係好想喊 我同佢講：同你一齊既時間 我感覺唔到我地係到拍拖 你俾我既感覺係一個大哥哥 我初時以為佢聽左之後 會接受到現實 會冇咩野 但原來唔係 佢俾我既反應係我完全估唔到 佢話要去流浪 我知道佢講真 無論點同佢講 點同勸佢 佢都唔聽 佢話臨走果時先至留低一封信俾佢屋企人知 我真係俾佢激到死死下 我叫佢睇輕D 女人ZA麻 通街都係 做咩要咁執著呢?? 佢俾左好多原因我 佢仲辭埋份工 走之前想見下我 同我渡過2009年最後一日 2010年之後就了斷 我話佢好傻 做咩要攪到咁 我話我唔會見佢 但我知道自己做唔出 我冇佢咁狼心 果日去碼頭接佢 搵左佢好耐都唔見人 又打唔通俾佢 我以為佢去左北安碼頭 之後搭車過去氹仔 電話響起 佢話係澳門碼頭 我再轉番車過去 我見到佢 佢冇咩精神 都冇咩表情 唔知果時做咩 我嬲嬲地 佢跟住我走 我地去左威尼斯 係車上 我唔係好想同佢講野 佢撩我講野 問一句 我是但答佢一句 直至佢講左個笑話我聽 我先至心情好番D 我問佢:你係唔係真係要走? 佢諗左一諗：今晚１２點之後再話你知 我知道佢又係到逃避 我真係嬲 冇咩點同佢講野 入左威尼斯 佢話唔想行商場 想行下出面 我特登同佢作對 我話：我唔識出去 你搵到出口就出啦 威尼斯咁大 單憑佢一個人 根本冇可能出到去 我同佢講：你係呢到都搵唔到出口 仲話去流浪？ 佢又俾左唔係理由既理由俾我聽 我唔理佢 不過最後都帶左佢出去 出到去 佢指住個馬石像問 ： 果隻野係唔係一隻馬啊?? 我嬲嬲地話：係石頭！！！ 佢笑住話：我真係蠢，石頭同馬都唔識分！ 我忍唔住笑左出黎 之後見到佢咀唇好乾 乾得好緊要 我就拎左支潤唇膏出黎俾佢 叫佢搽 佢話：我搽左 你會唔會即刻掉左佢？ 我話：唔會啊！！ 可能佢心中有十個問號出左黎．．． 我又忍唔住問佢：你真係要走？我都等唔切佢答！ 係咁話佢：你個腦都唔知諗咩嫁！又唔諗清楚！ 有冇諗過你屋企人？我都會好擔心你！！ 你係出面一個人有咩事點算啊？又唔知你自己身體差！！ 唔記得佢答左Ｄ咩喇 之後行左去龍環葡 好多花啊 好多鬱金香啊 真係好靚 唔係講笑 原來呢到有個花展啊 佢話：最衰無帶相機 我話：我講左啦，最靚既野係到記係個腦到嫁麻 不過由於真係十分之靚 我拎左個手機出黎影 我仲係到自打咀巴咁講：點解會冇帶相機啊？？ 我諗佢一定係到笑緊我！哈哈哈 我地停留左１５至２０分鐘左右啦 見完Ｄ花之後 我心情靚左好多啊 而佢都明顯咁察覺到 仲問我：你心情係唔係好番好多？ 又問我岩岩做咩咁嬲？ 我話：你知嫁！我講左原因啦！ 之後去左手信街 行左陣開始肚餓 去左小泉居食野 我覺得我同小泉居特別有緣 入左去 好攪笑 原來要禁個鐘先有人黎寫野 我地又唔知個鐘係邊到 真係好蠢 我果個飯同杯野都辣都死下死下 本身已經有Ｄ唔舒服 我又特登怪罪於佢： 你睇你啊 對我一Ｄ都唔著緊 又唔話下我 叫我唔好食Ｄ咁辣既野 (呢個都係其中一個線索) 我又同佢講：其實你就咁走左去係唔岩 你方向錯左 你應該向我入手 唔係一走了之!!! 佢話:咁又係BO!! 但我感覺到佢都係唔明 我問佢：你D星星呢? 佢話：我唔會俾你嫁！ 我話：我先唔要你Ｄ星星啊！我睇下ＺＡ麻！ 佢每次掛住我 就會係咁摺星星 佢拎左俾我睇 我見到真係有Ｄ心痛 因為佢都摺左好多粒 仲摺得好靚 我摺左粒玫瑰花俾佢 佢話好靚．．． 之後埋單走人啦 行行下 我係咁話佢：你係豬黎嫁 死蠢 死蠢豬 豬兜 豬兜0麥 死豬兜0麥 佢好奇怪 點解我會咁話佢 佢話：係嫁 我真係好蠢嫁! 我冇野好講!!! 之後去左一個好靚既地方 我地坐低傾左陣 佢就拎左條鏈出黎 佢話呢條鏈可以帶俾我幸福 等我第2時遇到一個我又鐘意佢 佢又鐘意我既男朋友既時候 就叫佢幫我帶呢條鏈 我睇左一陣 就叫佢幫我帶起佢!! 你送俾我嫁麻 緊係你幫我帶啦 哈哈哈哈 果時真係好感動 好開心 之後去左一個做運動既地方 玩左好多野 我應該瘦左D^^ 坐低之後又同佢傾左十分之多野 講左我以前番工 同而家番工遇到既事 又講左第2時有小朋友會點教佢啊 果D 我講到喉嚨痛 我都唔知做咩要同佢講咁多野 之後番番去花展果到 有倒數活動 不過味開始 見到D小朋友追下追下 真係好開心 坐完就去左球場 佢見到有人打球 就同果個男仔一齊打 果然係校隊! 幾乎球球都入 真係有D佩服 打左十幾分鐘啦 就離開左喇 我地搭車去漁人碼頭 我有D攰 想訓陣 點知佢企圖想偷拍我訓覺個樣 明知冇咁既可能 都仲要嘗試 哈哈 到左漁人碼頭 好多人啊 又凍 我地周圍行左陣 去左一個位 係到睇相聽歌 睇左成個鐘都有 佢對我好好 又俾衫我著 有周柏豪 鄭容 江若琳黎倒數 係周柏豪唱歌幾好 其他都走音走到啊!!!!! 終於到左12:00 佢一直都沈默 剩係識得望住我 我問佢仲走唔走? 我知佢心大心細 又婆婆媽媽媽 我地浪費左好多時間 最後我同佢講 不如我地一齊番 就當俾大家一個機會 其實感情既野係可以培養出黎 如果你走既話 姐係放棄左我 機會冇第2次 我唔會再俾 佢叫我俾10分鐘佢 最後佢都話要走 我就話 咁算啦 我尊重你 我自己走左去 佢跟住我 之後話有D暈暈地 我又擔心佢 睇下佢有冇事 之後見佢冇事 我又係咁走 佢追黎拉住我 我果時有D想喊 到最後佢先雙手捉住我雙手話：我永遠都唔會放開你。 我真係好感動 個心好似跳左出黎 想喊 但冇喊到 但好開心咁笑左出黎 之後同佢去左澳門碼頭 傾到２：３０就走！ 我地回憶番今日既事。 其實我前一日已經諗住一齊番 我知你一定會唔捨得 呵呵 我已經睇穿晒你個心喇！ 問你驚唔驚 呢晚真係好開心 好難忘 多謝上天俾我咁快樂過２００９年最後一日 我有戀愛既感覺 之後就要睇你既造化啦！ 不過咁啊，我個人已經夠蠢，你仲要同我差唔多蠢！ 咁點算啊？？？嗚．．．．． 唔緊要 我會逼到你變聰明嫁！哈哈 呢一日我都覺得自己變左第２個人! 我唔似之前咁對你咁冷淡。 我知道你都感覺到。 完 打左成日 而家係8:19P.M. 
呢張相係傻瓜係我唔知道既情況下影左落黎。 一對公公同婆婆。 佢話第2時老左,我地都會係咁樣。 我真係諗緊 我地有冇咁長命啊? 你同我都咁鬼多病!! 我呢個月又唔知行咩死運,之前先病完,而家又黎喇!!!! 不過,我真係好鐘意呢張相啊!!! 嘻嘻 | 
